لميس ... و أشياء أخرى
طبعا مضطر حاليا بتابع مسلسل لميس ده حتى بشوف الحلقة مرتين مرة العصر و مرة الساعة اتنين بالليل .
هو بعيدا عن كون لميس مزة السنين و إن عنيها أحلى من عنين نص ستات مصر مش بس ممثلاتها ،الا ان المسلسل لا يتعدى كونه قصة لمثلث حب مبتذل او مربع خماسي مش موضوعنا ، النظرية ان مفيهوش اي حاجه مختلفه عن الدراما المصرية العتيقة او زي ماقالت الشت شيرين وجدي في احد افشل اغانيها
انا بحبك و انت بتحب واحده تانية بتحب واحد تاني بيحبني
هو مش كده بالظبط بس نفس نظرية الهبل بالاضافة لخدامه هبله بشهاده و واحد لابس فورمال اربغه وعشرين ساعه مش عارف ليه و حارة شعبيه مصابه بالبله المغولي.
ياعم ده أسامه أنور عكاشة مع انه كان بيحكي في نفس الهري بس كانت بتبقى حبكاته اقوى كتير .
تقولي بقى ايه سر تعلق الناس بيه و لا اعرف.
بس اهو يعني في لميس الدنيا ملمومة شوية انما تيجي لخالتك روبي او سارة نفس اللهجه بس اسخف بكتييييييييير.
نفس الممثلة في المسلسلين و برده متجوزه و برده بتحب واحد غير جوزها مش عارف ايه القصة يعني .
ده طبعا غير ان لبس ااتراك العلمانيين في مسلسلاتهم انضف بكتييييير من اﻷبس في روبي او سارة
اقولكم حاجه .... الفضا وحش
Comments
Post a Comment