و اقتربت النهاية

غريبة أوي الأفكار اللي بتيجي في دماغ الواحد مع قرب نهاية اي شئ ، مع الاسف مهما الواحد اتعلم ان الندم مبينفعش و لا بيقدم ولا بيأخر ، إلا إنه برده بيرجع يفكر و يقول لو حصل كذا و لو كن عملت كذا مكانش حصل كذا ، في الغالب دي فطرة بشرية داخل الواحد، المهم....

مع قرب انتهاء الدراسة الميمونة في كلية الصيدلة جامعة طنطا -ان شاء الله تنتهي على خير و تنتهي في ميعادها- جت في دماغي أفكرا غريبة جدا عن فعالية اختياراتي في الماضي ، و المشكلة ان الافكار دي بتخص مرحلة قديمة جدا جدا ، يعني مثلا من يومين و انا قاعد في ميكروباص شبين طنطا -و قد أصبح صومعتي الفكرية اليومية - خبطتني فكرة غربة جدا ، قلت هو انا لو كنت دخلت علمي رياضة و دخلت هندسة منوف كانت حياتي بقت عامله ازاي دلوقتي؟؟؟؟
طبعا ده افتراض باطل مبني على باطل اولا لانه عدا عليه خمس سنين ونص ثانيا لاني مش بحب الرياضة اساسا ر، بس هو افتراض خبطني في دماغي كده فجأة و اتبنى عليه العديد و العديد من الاسئلة زي مثلا..
طب كنت هعرف احل رياضة و اجيب مجموع يدخلني هندسة منوف ؟؟؟
طب كنت هانفع في هندسة منوف مع العلم انها صعبة جدا جدا جدا؟؟؟
طب مين من الناس اللي انا عارفهم من هندسة منوف كان هيبقى اصحابي؟؟؟
طب مين من اصحابي بتوع صيدلة طنطا اللي لو قارنت المستقبل ده بده هزعل اني مدخلتش صيدلة وعرفتهم؟؟؟
طب الحياة هتبقى عامله ازاي و بيني و بين الكلية 10 دقايق مشي مش ساعتين سفر؟؟؟
طب هل كنت هبقى نفس حسام الصعيدي ده و لا حد تاني مختلف و مجنون برده؟؟؟
طب حياتي كانت هتبقى عامله ازاي في مستقبل هندسة؟

اسئلة كتيرة جدا مالهاش اي لازمة بس انا متاكد انها بداية اعراض متلازمة الخروج من الكلية ...
كل ما أرجوه أن باقي الأعراض متبقاش أجن من كده

Comments

  1. ya 3am enta ba3d 5 sneeeen gay tefteker tshoof enta kont tenfa3 fe eih yah kan 3'erak ashtar

    tab welly 3aref eno mkansh hayenfa3 fe ay 7aga tanya 3'eer saydala w m3a zalek m2adeha w mesh bye3mel elly 3leeh w 3aref bardo eno fel a7'er haendam awy 3la elly howa bey3melo dah

    ReplyDelete
  2. أولا عادي يا إسلام كتير اوي الواحد بيرجع يبص على حاجات و اختيارات و قرارات قديمة عشان يعرف هو كان فين و بقى فين و ممكن يبقى فين

    ثانيا انت لما ترجع تبص على اوبشنات زمان تعرف تحدد اختياراتك في اوبشنات دلوقتي

    ثالثا
    الحد ده صعبان عليه جدا
    و انا بشكل كبير اوي زيي زيه بالظبط
    مع تقليل هامش الندم شوية

    نورت البلوج

    ReplyDelete

Post a Comment

Popular posts from this blog

يا منفي

الشيخ عبود بطل الحرب و السلام

اسكندرية،،، ليه؟!