ضياغ

احساس غريب جدا لما تحس انك ضايع،تايه مانتش عارف راسك من رجليك، مانتش عارف انت عاوز ايه من حياتك و لا الناس عاوزة منك ايه ، و لا انت المفروض تتوقع منهم ايه بالظبط.


هل المفروض تقبل كل ما تحصل عليه و اتجوزت على كده و لا المفروض تخبط مع الناس و الدنيا عشان توصل للي انت شايف و مقتنع انه حقك سواء ماديا او معنويا و احيانا بيبقى معنويا اهم.


الفكرة كلها امتى انا صح و امتى انا غلط؟،امتى الناس هي اللي صح و امتى الناس هي اللي غلط.


يعني انا واحد من الناس بتوقع كتير جدا من اللي قدامي و عندي عشم فظيع في الناس اللي اعرفها ،و من وقت للتاني باخد كل خازوق. واخوه لما قرفت من نفسي و من الناس و من ابو العشم اللي عندي ده.


و في نفس الوقت انا باخذل ناس مكنتش محتاجه مني كتير بالعكس الحاجة اللي بيبقوا عاوزينها مني بتبقى بسيطة جدا وسهلة بالنسبة لي بس مخي المش نضيف بيقعد يزن في اي هري لحد ما اكسل اعمل المطلوب مني ده رغم تفاهته.


هل ده مدلوله اني بدات ازهق من الناس ؟ولا معناه اني بدأت أبقى انسان مش كويس ؟ ولا معناه الاتنين مبنيين على بعض؟

والاهم من ده و ده ايه هو التقييم الموطقي اللي على اساسه اقول اني انسان كويس او لا؟؟؟؟؟

و لا تعرف .... يلا ... ربنا يستر


Published with Blogger-droid v2.0.4

Comments

  1. الفكرة فى انك تقرر انت عاوز اية
    بغض النظر عن راى الناس فى الى انت هتوصلة مهما كان

    لو وصلت لقرار معين فى كل حاجة فى حياتك
    هتتلاشى حالة الضياع دى

    متعملش حساب لحد فى حياتك غير حسام وبس ...

    ReplyDelete
  2. ما هي الماساة ان الضياع ده داخلي او ضياع مع نفسي و ضياع مع الناس غي نغس ذات الوقت و الاتنين بينيلوا بعض بستين نيله و يخلصوا عليه انا
    يعني ضياع من جميع الجهات

    ReplyDelete
  3. u just need a FAITH

    ReplyDelete
  4. هيهيهيهيهيهيهيهيهيهيهيهيهي

    ReplyDelete
  5. أيوه ، انت محتاج بعض الايمان ، وشويه فكر بطريقه علي الله

    في موضوع العشم ، أنا كده زيك واكتر
    بس عارف عشان ترتاح اعمل واتعشم كل حاجه من الله ولوجه الله

    مهما كنت هايل وطيب هتلاقي ناس تقرفك وناس تضربك ف ضهرك
    عادي لا تلتفت ، المؤمن مصاب واديك بتتعلم

    افتكرت مقوله د.مصطفي محمود
    الانسان اذا خلت حياته من الله مشروع فاشل نهايته اليأس أو الانتحار

    عادي نمر بفترات يأس وضياع العبره بصبرك و هتستني فيها اد ايه

    واخيرا تدوينه معبره.

    ReplyDelete
  6. اسف يا امنية اني مردتش على تعليقك في ساعتها
    بس بقالي كتير مش ببص على التعليقات
    هو حاليا الحمدلله لما الواحد بقى يقابل ناس من اللي مالهمش لازمة او يعاكسوا عشمي فيهم مبقتش ازعل اوي زي الاول
    و بشكل عام الضياع قل كتير عن زمانم
    الحمدلله على كل حال

    ReplyDelete

Post a Comment

Popular posts from this blog

يا منفي

الشيخ عبود بطل الحرب و السلام

اسكندرية،،، ليه؟!