في المنصورة ...

"بس يا سيدي ..و قد كان"
عبارة استحدثها صديقي لتصبح نهاية لاي حدث يمر به ، و هي بالتأكيد أفضل من " وقامت معيطة" التي انتشرت بشكل غير ممنطق بالمرة.


المهم ... اخر مرة سمعته يرددها كانت في رحلة العودة من المنصورة بعد أربع أيام طوال عراض مروا في التدريب ، جعلتني عبارته و فلسفته أدخل في دوامة من التفكير ، لماذا هكذا هي الحياة؟ ...
أعلم أن كلامي لا رابط أو هدف منه حتى الان و لكن تمتع بالصبر يا صديقي ...


على مدار ألايام الأربعة -و بعيدا عن المادة العلمية - اعتقد انها كانت تجربة اكثر من رائعة ، احتكاك ببشر جديدة، نظام تعامل جديد،و مدينة جديدة بالنسبة لي.


المميز في هذا الاحتكاك القصير جدا معرفتنا بانه قصير قبل ان يبدا و هو نوع جديد بعد ان انتهى احتكاك الكلية الذي استمر خمس سنوات عجاف -يارب يخلصوا خمسة- كان للتعامل فيها عواقب قريبة و بعيدة و حسابات اخرى.


أما لدى معرفتك ان هذا التعامل قصير جدا فهناك طريقتين للتعامل:-
أولا الحرص الشديد عند التعامل حتى تترك ذكرى جيدة لشخص مر بحياة الناس
ثانيا هو الصراحة و المباشرة في كل التعامل و ليكون ما يكون


و انا عن نفسي من انصار هذا النوع الاخير من التعامل ، لن يروني مرة ثانية  ... و ايه يعني؟ انا كده 
انا طريقة تعاملي كده و مش بغيرها عشان اي حد ، و الله شافني هو كده حد كويس بركة ، شافني حد وحش خلاص يبقى انا كده.




يلا كام يوم و عدوا  ، عرفت ناس جديدة  و حقيقي بعض الشخصيات استمتعت بمعرفتها المدة القصيرة دي ،و قربت من ناس قديمة و حقيقي اتخنقت من بعض الصفات في الناس دي ، و استمتعت بالتجربة ككل .


و في انتظار النزول الى ساحة الدنيا الحقيقية منتصف الاسبوع.
ادعولي


حسام الصعيدي

Comments

  1. البرنس/ احمد رجبSaturday, July 10, 2010

    وقعتك بيضة
    انا لسه شوفت حاجة
    مع مصر مش هتعرف تنام

    ReplyDelete
  2. انا مش فاهم اي حاجة

    ReplyDelete
  3. حسيت شعورك ده اما روحت اتدرب في صيدليه لاول مره برضه

    واخترت التاني

    انا كده طبعي كده وخلاص اريح اكون نفسي

    مبروك عليك الحريه من الكليه

    وعقبالنا جميعا

    وان كانت دفعتكم دي هتسيب فرااغ حااااااد في الكليه حقيقي

    لكن اهي سنه الحياه وربنا يوفقكم بجد

    ReplyDelete
  4. ايون
    هو انا من انصار نظرية سبرايت دي
    انا كده انا سبرايت

    اما موضوع دفعتنا فالحمدلله على كل حال

    و الواحد بجد نفسه يكون ساب ذكرى كويسة عند الناس

    ReplyDelete

Post a Comment

Popular posts from this blog

يا منفي

الشيخ عبود بطل الحرب و السلام

اسكندرية،،، ليه؟!