صالون شحاته 3 .... عبدالرّحمن رشاد
أو الكينج
شخصية لحد دلوقتي معتقدش ان حد كتير مننا لم كل حاجة عنها او استوعب كل تنتوفة من دهاليز تفكيرها...
بصوا ...
هو جدع جدا جدا جدا جدا ......
و راجل جدا جدا جدا ........
و تلقائي بشكل غير منطقي، معتقدش ان في حد في الحياة عرف عبده و موقعش من الضحك على رد فعل ليه ،منتهى التلقائية و الأريحية في رد الفعل بشكل يجبرك على الابتسام حتى ان كان رد الفعل يتسم بالجدية الشديدة.
عصبي جد ، يحمل من الطابع الجنوبي حدته الشديدة في المواقف المختلفة.
و على فكرة عبده بيتميز بحاجة حلوة جدا ، شدة الدفاع عن الرأي الأكثر ميلا للصواب حتى لو ده ضد رأي الآخر، و طبعا أقرب مثال على ده رأيه في الهجرة اللي خبطني بيه في مرة و قال جملة معتقدش اني ممكن انساها في حياتي ..." الشغل شغل و ال ........... "(و يبقى الجزء الآخر ذكرى شخصية لي و لشحاته)
حاجة كمان حسيتها في عبده ، يمكن دي بجد نادرة جدا حاليا اوي صعب تحسها في حد صغير زينا، عبده انسان مخلص ، و حط تحت مخلص دي الف خط، انسان بيخاف على صاحبه و بجد بجد عنده اخلاص غريب ناحية اصحابه و يمكن اكتر واحد شفت الاخلاص ده ناحيته كان شحاته.
من الاخر عبدالرحمن رشاد راجل مخلص و طيب و تلقائي جدا....
بلغة أخرى يكرهها هو شخصيا جدا
عبده ده حد طيوب و لذوذ و عسول تنين
أدام الله صداقتنا للأبد
حسام الصعيدي
يتبع >>>>>>
Comments
Post a Comment