سواق تاكسي

بما اني بروح كتير جدا متاخر من شبين لمنوف فكان لازم اظبط مع سواق تاكسي جدع اضمنه معظم الايام و ميحكيش كتير معايا في الاجره.

المهم لقيت صاحبنا اللي انا راكب معاه دلوقتي . واد "برنس " كده اكلمه في اي وقت من الساعة واحده لحد الصبح الاقيه متواجد يا اما ييجي المكان اللي انا فيه يا اما حد من اصحابي يوصلني للموقف مكان ما هو بيقف.

اظرف حاجه في شريف افندي ان دماغه رايقه تنين .... طالبه معايا رغي نهري في اي حوار طول السكه... طالبه سرحان مسمعش صوته لحد ما يوصلني و الاجدع من كده اني ممكن انام طول السكه ميصحنيش غير تحت باب البيت ده طبعا غير انه معظم الطريق معدي التسعين .... برنسسسسسس

Comments

Popular posts from this blog

Collateral beauty

يا منفي

A good movie !