وبدأت الساقية

احساس غريب جدا راودني بالامس ، احساس ينتمي لثور شاب يربط في الساقية ليديرها في اول مرة في حياته ، احساس داخلي يغمره بأن هذه " اللفة " هي الأولى و لن تكون الاخيرة ، و أنه مهما حدث مطالب بالاستمرار في اللف و إدارة الساقية.

بدأت أمس أول يوم في حياتي العملية كصيدلي محترم -فرضا- في صيدلية ، لا أنكر الاحساس بالانجاز لاول مرة في حياتي حيث حققت احد امالي العظيمة منذ الصغر ان اصبح صيدلي , وأتعامل مع المرضى من خلال الأدوية ، حلم غريب لطفل في الثالثة عشرة من عمره ، ولكن هذا الطفل جاءني أمس ليشكرني على تحقيق حلمه رغم الظروف .

الغريب انه في اللحظة التي هنأني فيها أحسست انه تلاشى ، انتهى هذا الطفل ذو الاحلام الوردية ، و حل محله شخص اخر مطالب بان يستمر في اللف.

هذا الشخص الان أو "الحسام الجديد" يجب عليه أن يكون شخصا مسؤلا منظما مجتهدا و مثابرا و هي صفات لم تتوافر قبل في شخصي الضعيف ، ولكنها الحياة تنحي الطفل جانبا ،و تدفع الثور الى الدوران.

بالطبع كان الامس نزهة خفيفة بين أروقة الصيدلية و أرفف الدواء ، ولكن احساس الساقية لا علاقة له بثقلها و انما أبدية الدوران هي المشكلة ، و حتميته هي المشكلة الأكبر ، احساسك بالدوار أثناء اللف و خوفك من الوقوع في البئر هو كل ما يملك زمام أمرك من الان و الى ان يشاء الله.

و ما رسخ عندي ذلك الاحساس البارد السخيف بأبدية الدوران هو زيارتي مع صديقي لصيدلي له من العمر ما يفوق الستين ، قضى منها أربعين سنة او يزيد بين تلك الرفوف و هذه العقاقير العجيبة ، اذن فالموضوع ليس مجرد بداية ، او نزهة ، او فترة من العمل لتستريح و لكنه دوران يستمر و يستمر حتى النهاية.


اقلع غماك يا طور.. و ارفض تلف..
و اكسر تروس الساقية و اشتم.. و تف
قال بس خطوة كمان ..و خطوة كمان..
ياوصل نهاية السكة .. يالبير يجف

Comments

  1. :(
    أهلا بك على أرض الواقع!

    ReplyDelete
  2. وعجبــــــــــــــــــــــــــــــــــــى

    ReplyDelete
  3. داليا
    اهلا بيكي يا فندم
    منورة ارض الواقع من بدري انا عارف
    بس بلاش الايموشن ده بالله عليكي
    انا بحاول اتفائل باي شكل

    ReplyDelete
  4. yah da7na lesa hanshooof ayam
    rabena yhawen 3lena el sa3b w yostorha m3ana isa

    ReplyDelete
  5. خلق الانسان فى كبد
    اعاننا واعانكم الله يا فندم
    بس متنكرش انه رغم انه احساس قد يكون منهك نفسيا
    الا انك بتستمتع بكل لذة انجاز
    وبيضعك على طرق قد تكون شائكة الا انها تشعرك طعم النجاح من حين لاخر :)

    ReplyDelete
  6. إسلام

    يا رب يهون علينا جميعا يا رب

    ReplyDelete
  7. علياء
    يااااااااااه
    الدكتورة علياء بذات نفسها عندينا
    يا مرحبه يا مرحبه
    طعم النجاح ده يافندم يوم القبض و عليكي بخير و بيرسخ احساس ابدية الساقية
    لانك ولا مؤاخذة لو الساقية قفت
    محدش هيلاقي المم
    و لا ايه؟؟؟؟؟!

    ReplyDelete
  8. طب ما تفك من الساقية وتسيب الغيظ ونشوف غيط تانى انظف ويكون يسقى بالتنقيط او بالرش

    ReplyDelete
  9. لازم تتربط و تسقي يا معلم
    اصل الغيط اللي بتسقيه ده هو حياتك و بعد كده في يوم بعيد هيبقى اسرتك
    مينفعش بالرش و التنقيط
    لازم سريان الاموال يبقى مستمر على طول انما الرش و التنقيط بتوعك دول يبقى الواحد يموت من الجوع و خلاص
    و بعدين بصراحة الساقية اللي انا فيها حاليا ممتعة تنين زي مانت عارف
    فبيس يعني

    ReplyDelete
  10. طبعا انا قصدى مفهوم اوسع للغيط والساقية

    ReplyDelete
  11. فاهم
    اكيد فاهم على فكرة

    ReplyDelete

Post a Comment

Popular posts from this blog

يا منفي

الشيخ عبود بطل الحرب و السلام

اسكندرية،،، ليه؟!