مقطورة

لا بيه و لا عليه ، مروح من دمنهور و وصلت مطلع كوبري كفر الزيات الحر زي اي شخص طبيعي مروح من الطريق الزراعي ، ألاقي سواقين المقطورة قاطعين الطريق رايح جاي و مانعين اي حد يعدي من الناحيتين ليه عشان قرار إلغاء المقطورة ، طبعا السؤال اللي طرح نفسه عليه و بالتالي طرحته على الساده زملءا الطريق " فين الشرطه من اللي بيحصل؟؟؟؟؟! "

"ضربوا عليهم نار يا أستاذ و ده خلاهم يزيدو في عنادهم "
"طيب ايه الحل ؟؟؟"
" مفيش حل غير انك تخش من اول قرية دي على اليومين و امشي ورا الناس هيدخلوك كفر الزيات"
دخلت .... مدق في وسط الغيطان يادوب مستوعب سيارة صديقي اللي لسه مكملتش الف كيلو و المدق ده رايح جاي!

طبعا بعد اختبار سواقة لمده تلت ساعة عشان اتحرك 300 متر ..... فجأه سرت إشاعه مغرضه ان الطريق اتفتح ...كل الناس قطعا طاروا يلحقوا الطريق و بعد ما وصلنا و اتكوم ورانا حوالي 500 عربية او اكتر الطريق مات .... مااااات ..... كله بطل العربيات و اللي طلع يغسل عربيته و اللي طلعت تلاعب ابنها و طفل صغير اتزرع بيوزع شاي متفهمش ظهر منين ....!

المهم ايه الحل ياخوانا
ناخد ملف للخلف u turn و نحاول ندخل كفر الزيات برده من الاتجاه الاخر ... و أول يا مؤمن ما نوصل للمخرج المنشود "  الطريق اتقفل يا ساحبي"

طيب نطلع على أقرب مطلع للصحراوي و نرجع من هناك
" الطريق اتقفل يا برنسسسسسسس"
قوم ياخويه اطلع و انا بيني و بين بركة السبع حوالي ثلالثين كيلو ،ارجع دمنهور و من دمنهور دسوق و من دسوق كفر الشيخ و من كفر الشيخ طنطا و من طنطا شبين الكوم ....... تيييييييييت

و ده كله ليه عشان قرار من خمس سنين السواقين مالهمش مزاج ينفذوه
فين هيبة الدولة ؟؟؟؟؟؟!
فين سيطرة وزارة الداخلية على الطرق ؟؟؟؟!
فين احترام البني ادمين لوجود شخص مريض و يحتاج اسعافه بسرعو في احدى مئات السيارات ؟؟؟؟؟؟!
فين النظام ؟؟؟؟؟!
و لا تسأل
لك الله يا مصر .... و ربنا يطلعنا من البلد دي على خير يا رب.

Comments

Popular posts from this blog

Collateral beauty

يا منفي

اسكندرية،،، ليه؟!