نورت مصر 2


اول امبارح كنت في القاهرة في احدى قراراتي السريعة و هناك قررت زيارة المتحف المصري مع صديقي العزيز حازم و بما إنه مرشد سياحي اد الدنيا فقررت استغله في المشوار ده

المهم طبعا أول حاجة استغربت لها ان المصريين بيتفتشوا 3 مرات عشان يدخلوا المتحف مرتين ذاتيا و مرتين بالكاشف عن المعادن في حين ان السياح الضيوف محدش بيمد ايده عليهم فقط الكاشف، ليه مش عارف ، بس انا نفسي افهم ازاي انا شخص غير امن في حين ان اللي جاي من بره ده بيعتبر اكثر امانا مني.

تاني حاجة لفتت انتباهي هي ان برعم كل شئ كارنيه صيدلة مازال محترم في بلد العجائب المدعوة مصر ، وانا داخل المتحف بطلع اثبات شخصية و عشان التذكرة تخفض بطلع كارنية الكلية و ساعة ما يقؤا الشخص اللي بيشوفه صيدلة اذ فجأة الاقيه بيحترمني و اتفصل يا دكتور و الصيادلة احسن ناس -بعيدا عن التعليقات الخاصة بكوني منوفي-هي دي حاجة كويسة طيعا بس استغربت لها شوية.

ثالثا شد انتباهي بمجرد ما دخلت حديقة المتحف حاجتين اولا نسبة المصريين لا تكاد تبلغ العشرة في الميه من زوار المتحف و ده شئ يدعو للأسى حقيقة ، ازاي الناس تبجي من بلاد بعيدة تشوف اثار مصر و تدفع اربعين جنيه في حين ان ال\الب المصري اللي عايش جوه مصر و في و ممكن يدخل بجنيه واحد بس مش موجود في المتحف خالص...
و شد انتباهي برده في الحديقة ان اللي قال ان الجمال المصري احسن جمال في العالم بيعاني من قصور شديد في نظره و محتاج نظارة ضروري جدا ، اكتشفت ان اجناس كتيرة اجمل من المصريين بمراحل من جميع أوجه الجمال من الشعر للملامح للتكوين العام غير المصريين أجمل بكتير جدا.

رابعا و أثناء تجولي داخل المتحف اكتشفت كذا حاجة جديدة عليه عن اجدادنا الفراعنة...

1-الناس دي بشكل أو بآخر كان عندهم وقت فراغ قاتل و ان كانوا احسنوا استخدامه الا ان ده لا يمنع انهم كاوا فاضيين و بشده

2-الناس دي كان عندها ضمير في الشغل لا يتمتع بيه 20% من موظفين مصر حاليا، طبعا ضمير لما تبني حاجة او تعمل حاجة تستمر 3000 سنة يبقى انت اشتغلت بكل ضمير في الحاجة دي

3-هناك أوجه عديدة في الشبه بين الحطام الفراعنة و حكام العصر الحديث يعني مثلا على سبيل المثال رمسيس التاني و ابنه شالوا اسم حتشبسوت و من الجائز حكام آخرين من على التماثيل الخاصة بهؤلاء الحكام و حطوا اسمهم بدالهم
و مها برده أن الفراعنة كما تبين توابيتهم و مومياواتهم كان حجمهم الجسدي طبيعي جدا و ان صخامة تناثيلهم الشخصية كانت بهدف ابراز العظمة و زرع الهيبة و الخوف في قلوب الشعب المصري

4-رمسيس التاني ليس فرعون موسى و ذلك لتفسيرات عديدة منها التاريخي المنطفي انه لازم يكون قبله لانه ابن رمسيس التاني بيقول انه هزم بني اسرائيل و ده يستدعي انهم يكونوا خرجوا فعلا من مصر و كونوا قوة ما حاربته و بعدين هوه هزمهم و ده يستدعي فترة زمنية لا تتناسب مع كون رمسيس التاني هو فرعون موسى

5-توت عنخ آمون لم يقتله الكهنة كما علمونا في المدرسة و لكن اما مات بجرح أصيب به خارج القصر تحول الى gangarene
او تسببت الملاريا في موته

6- الفراعنة رغم الخرافات التي كونت عقيدتهم الى حد كبير الا ان هؤلاء القوم كانوا شديدي الايمان و الدفاع عن معتقداتهم تلك و كرسوا اوقات ضخمة من أجل ممارسة الشعائر و اطاعة العقيدة و ده يوضح حاجتين اولا ليه الكهنة كانوا ذوي نفوذ غير محدود و ثانيا ان فطرة المصريين الدينية تولدت لديهم منذ ذلك العصر

7- قناع توت عنخ آمون يزن 16 كيلو من الذهب الخالص و أحد توابيته يزن حوالي 63 كيلو أيضا من الذهب الخالص و له تابوت من الفضة الخالصة التي كانت اغلى من الذهب في هذا العصر.

8-الفراعنة بمنتهى البساطة كانوا عباقرة ، ان تحافظ على جثة بشرية في حالة اكثر من ممتازة لمدة تزيد عن 3000 الاف سنة فبالطبع انت عبقري في علم التشريح و الهستولوجي و الكيمياء، المومياوات مازل جلدها سليم و مازالت تحتفظ بشعرها سليم ... حقا سبحان الله.

حقا كانت زيارة اكثر من رائعة و ممتعة جدا و ارجوا ان يستمتع كل من يقرأ هذه التدوينة بمثل هذه الزيارة في القريب ان شاء الله.

Comments

  1. انا كمان انبسطت جدا من زيارة المتحف المصرى رغم انها ماكنتش غير ساعة :D

    ReplyDelete
  2. يتهيألي ساعة غير كافية تماما للتجول بالمتحف بس عموما هو مكان فعلا رائع و الواحد بيستمتع باي وقت فيه و ان شاء الله كل واحد فينا يشوف بلده اكتر

    ReplyDelete
  3. للعلم
    1-قناع توت عنخ امون 11ك.ج من الذهب الخالص
    والتابوت 110ك.ج من الذهب الخالص ده غير اصابع اليد والقدم والصولجان واشياءآخري
    2- الفراعنه حافظوا علي الجسد اكثر من 7000عام وليس 3000بحاله ممتازه
    3- الحضاره الفرعونيه عمرها 10000عام 3000ق التآريخ و7000بعد التآريخ
    سحر

    ReplyDelete
  4. الفراعنه كان عندهم ايمان بالعالم الاخر والملك الاله اكثر من الضمير بشكل لايمكن تخيله
    المصريون القدماء لم يكن لديهم وقت فراغ فهم يعملون طوال العام(في الزراعه في فصل القيضان وفي بناء المعابد والاهرامات بعد الفيضان والحصاد
    تحتمس الثلث(حبيب قلبي)هو الذي محي اسم حتشبسوت بشك متعمدللانتقام منها كي لا تستطيع روحها التعرف علي جسدها في العالم الاخر فلا تستطيع الحياه في العالم الاخر الحياه الابديه
    سحر

    ReplyDelete
  5. أولا .. يشرفني حقا أ، تتشرف مدونتي المتواضعة ببعض من أو قاتك الثمينة يا أستاذه سحر

    ثانيا أشكرك شكرا جزيلا وافرا على الإضافة و سوف أعدل الموضوع بناءا على تلك المعلومات في القريب ان شاء الله

    شرفت بمرورك

    ReplyDelete

Post a Comment

Popular posts from this blog

Collateral beauty

اسكندرية،،، ليه؟!

يا منفي