نورت مصر
من كام سنة كده طلع إعلان في اليلفزيون لتنشيط السياحة أو بمعنى أصح كانت حملة بعنوان "نورت مصر"...بعيدا عن كونها حملة فاشلة جدا شكلا و موضوعا مقارنة بمثيلاتها في اي دولة في العالم بتدعو للسياحة -و الأمثلة كتيرة تركيا-ايران-ماليزيا و غيرهم-إلا أنه نبهني لمأساة أخرى في مصر، ألا و هي السياحة الداخلية.
ليه المصريين مبيبدأوش بنفسهم و يمارسوا هما السياحة داخل مصر، ليه الحكومة مبتدعوش الشعب المصري الاول لزيارة مصرو بعدين تدعو الشعوب الاجنبية ، إزاي المصريين يبقوا أجهل من الأجانب ببلدهم اللي عايشين فيها...
و الغريب في الأمر أني لما بدأت فعلا في ويارة الأماكن السياحية لقيت أن أسعار الدخول للمصريين أرخص بكتير جدا من الأجانب ، طيب العيب فين ، في برامج تنشيط السياحة الداخلية اللي مش موجودة أصلا و لا في كسل الشعب المصري عن اي شئ بمل في ذلك التعرف على بلده
أنا عن عفسي قررت أنه لازم أعرف مصر ، و تراث مصر ، و بلاد مصر نفسها ، أعرف ليه الناس بره بتحب تيجي مصر اللي أنا عايش فيها و برده لازلت معرفش عنها أي حاجة.
و مع كل مشوار في بلاد مصر هاكتب هنا تدوينة و اسميها سلسلة نورت مصر ، و ياريت كل واحد يقرأ التدوينات دي يفكر أنه ينور مصر و لو مرة واحدة
حسام الصعيدي
Comments
Post a Comment